RSS Feed (xml)
ਜੰਮਿਆ ਸੀ ਇਨਸਾਨ ਹੁਣ ਵਿਚਾਰ ਬਣ ਗਿਆ ਹੈ ,
ਇੰਨਕਲਾਬੀ ਫਲਸਫੇ ਦਾ ਸਾਰ ਬਣ ਗਿਆ ਹੈ ,
ਹੱਕ ਸੱਚ ਲਈ ਉੱਠਦੀ ਹਰ ਅਵਾਜ਼ ਭਗਤ ਸਿੰਘ ਹੈ ,
ਦੇਸ਼ ਦੇ ਕੁੱਲ ਸ਼ਹੀਦਾਂ ਦਾ ਸਿਰਤਾਜ ਭਗਤ ਸਿੰਘ ਹੈ !
ਛੋਟੀ ਉਮਰੇ ਸੋਚ ਸਾਣ ਤੇ ਲਾ ਲਈ ਗੱਭਰੂ ਨੇ ,
ਦੇਸ਼ ਅਜ਼ਾਦ ਕਰਾਉਣਾ ਸੰਹੁ ਇਹ ਖਾ ਲਈ ਗੱਭਰੂ ਨੇ ,
ਦੇਸ਼ ਕੌਮ ਦੀ ਅਣਖਾਂ -ਮੱਤੀ ਲਾਜ਼ ਭਗਤ ਸਿੰਘ ਹੈ ,
ਦੇਸ਼ ਦੇ ਕੁੱਲ ਸ਼ਹੀਦਾਂ ਦਾ ਸਿਰਤਾਜ ਭਗਤ ਸਿੰਘ ਹੈ !
ਤਖਤ ਗੋਰਿਆਂ ਦਾ ਸੀ ਓਸ ਹਿਲਾ ਕੇ ਰੱਖ ਦਿੱਤਾ ,
ਸਾਮਰਾਜ ਦਾ ਸੂਰਜ ਅੰਬਰੋਂ ਲਾਹ ਕੇ ਰੱਖ ਦਿੱਤਾ ,
ਸਦਾ ਜਵਾਨੀ ਕਰ ਸਕਦੀ ਜੋ ਨਾਜ਼ ਭਗਤ ਸਿੰਘ ਹੈ ,
ਦੇਸ਼ ਦੇ ਕੁੱਲ ਸ਼ਹੀਦਾਂ ਦਾ ਸਿਰਤਾਜ ਭਗਤ ਸਿੰਘ ਹੈ !
ਚੜਦੀ ਉਮਰੇ ਜੇਕਰ ਉਹ ਕੁਰਬਾਨੀ ਨਾ ਦਿੰਦਾ ,
ਮਿਲਦੀ ਕਿਵੇਂ ਅਜ਼ਾਦੀ ਜੇ ਜਿੰਦਗਾਨੀ ਨਾ ਦਿੰਦਾ ,
ਹੱਸ ਹੱਸ ਫਾਂਸੀ ਚੜਨੇ ਦਾ ਰਿਵਾਜ਼ ਭਗਤ ਸਿੰਘ ਹੈ ,
ਦੇਸ਼ ਦੇ ਕੁੱਲ ਸ਼ਹੀਦਾਂ ਦਾ ਸਿਰਤਾਜ ਭਗਤ ਸਿੰਘ ਹੈ ! @ag
Subscribe to:
Post Comments (Atom)
No comments:
Post a Comment