RSS Feed (xml)
ਸਾਡਾ ਇਤਿਹਾਸ ਸਿੰਘੋ ਹੋਰ ਹੋਣਾ ਸੀ , ਜੇ ਨਾ ਸਾਨੂੰ ਕੌਮ ਦੇ ਗੱਦਾਰ ਮਾਰਦੇ !
ਜੇ ਨਾ ਹੁੰਦੀਆਂ ਇਹ ਧੜੇਬੰਦੀਆਂ , ਜੇ ਨਾ ਸਾਨੂੰ ਸਾਡੇ ਸਰਦਾਰ ਮਾਰਦੇ !
ਸਾਡਾ ਇਤਿਹਾਸ ਸਿੰਘੋ ਹੋਰ ਹੋਣਾ ਸੀ..................................
ਸਿੱਖ ਰਾਜ ਦਾ ਸੂਰਜ ਵੀ ਕਦੇ ਅਸਤ ਨਹੀਂ ਸੀ ਹੋਣਾ ,
ਸ਼ੇਰੇ-ਪੰਜਾਬ ਵੀ ਬਿਨ ਗੱਦਾਰਾਂ ਪਸਤ ਨਹੀਂ ਸੀ ਹੋਣਾ ,
ਜਿੱਤੀ ਹੋਈ ਫੌਜ ਅੰਤ ਹਾਰ ਜਾਂਦੀ ਨਾ , ਪਿੱਠ ਉੱਤੇ ਕੀਤੇ ਜੇ ਨਾ ਵਾਰ ਮਾਰਦੇ !
ਸਾਡਾ ਇਤਿਹਾਸ ਸਿੰਘੋ ਹੋਰ ਹੋਣਾ ਸੀ..................................
ਕੋਈ ਪਹਾੜਾ ਸਿੰਘ ਵੀ ਬਣਕੇ ਕਰ ਗਿਆ ਸੀ ਗੱਦਾਰੀ ,
ਗੋਰਿਆਂ ਹੱਥੀਂ ਵੇਚ ਸੀ ਆਇਆ ਜੋ ਆਪਣੀ ਸਰਦਾਰੀ ,
ਇਤਿਹਾਸ ਦੇ ਸੁਨਹਿਰੀ ਪੰਨੇ ਕਾਲੇ ਪੈਂਦੇ ਨਾ , ਆਪਣੇ ਹੀ ਜੇ ਨਾ ਐਸੀ ਮਾਰ ਮਾਰ ਦੇ !
ਸਾਡਾ ਇਤਿਹਾਸ ਸਿੰਘੋ ਹੋਰ ਹੋਣਾ ਸੀ..................................
ਸਿੱਖ ਕੌਮ ਦੇ ਵੈਰੀਆਂ ਗਲੇ ਸਰੋਪੇ ਪਾਵਣ ਵਾਲੇ ,
ਸਮੇ ਦੀਆਂ ਸਰਕਾਰਾਂ ਨੂੰ ਇਹ ਸਿਰ ਝੁਕਾਵਣ ਵਾਲੇ ,
ਅਸੀਂ ਯਾਰੋ ਸੀ ਫਿਰ ਕੀਹਦੇ ਲੈਣਦੇ , ਜੇ ਨਾ ਸਾਨੂੰ ਐਸੇ ਜਥੇਦਾਰ ਮਾਰਦੇ !
ਸਾਡਾ ਇਤਿਹਾਸ ਸਿੰਘੋ ਹੋਰ ਹੋਣਾ ਸੀ..................................
ਅੱਜ ਵੀ ਬਾਈ ਮੰਜੀਆਂ ਡਾਹ ਕੇ ਬੈਠੇ ਨੇ ਜੋ ਆਗੂ ,
ਇਹੋ ਗੱਲ ਹੀ ਇਨਾਂ ਉੱਤੇ ਹੁੰਦੀ ਏ "ਗਿੱਲ" ਲਾਗੂ ,
ਹਰ ਪਾਸੇ ਕੇਸਰੀ ਨਿਸ਼ਾਨ ਝੂਲਦੇ , ਜੇ ਨਾ ਇਹ ਅੱਧ - ਵਿਚਕਾਰ ਮਾਰਦੇ !
ਸਾਡਾ ਇਤਿਹਾਸ ਸਿੰਘੋ ਹੋਰ ਹੋਣਾ ਸੀ..................................!
No comments:
Post a Comment